KONCINE ILMU MANFAAT LAN BAROKAH

By Kelas 9 di Maret 20, 2013

صلّ وسلّم دائما على احمد ×2

والأل والاصحاب من قد وحّد ×2

Ayo poro santri – kang – kepingin manfaat

Ilmu kang di terimo – ono – masyarakat

Kudu podo manut – ugo – podo to’at

Marang peraturan – semono ugo – marang ustadz

Ono santri pinter – nangeng – ora bender

Wani marang guru – akhire – keblinger

Ono masyarakat – uripe – di uber uber

Sebab waktu belajare – ngerusuhi – koyok uler

Ono santri temen – manut – marang guru

Ono dawuh e guru – di enut – lan ditiru

Senajan ora pinter – nangeng – sopan lan gugu

Akhire dadi mulyo – oleh – barokahe ilmu

Ayo poro santri – kang – kepingin barokah

Barokah ilmune – lan – barokah dunyane

Barokah umure – lan – barokah keluargane

Ayo podo khitmat – ngerewangi – marang gurune

Asale gak alim – banjur – akhire alim

Asale gak Sholeh– banjur – akhire Sholeh

Asal e gak sugeh– banjur – akhir e Sugeh

Iku yo tondone  - santri – barokah ilmune

Luweh utomo anak - di sangoni – ilmu

Di lebokno pondok – digolekno – sangu

Lamon nduwe ilmu – dunyone – podo melu

Semono ugo pangkat – besok – bakal ketemu

Gusti pangeran kulo – ingkang – paring hidayah

Kulo nyuwon ilmu – manfaat – lan barokah

Kangge amar ma’ruf – ningkataken – ibadah

Akhir e gesang kulo – supados – khusnul khotimah

Amin Amin Amin - Amin  Amin Amin

Amin Amin  Amin - Amin  Amin Amin

Amin Amin Amin - Amin  Amin Amin

Amin Amin Amin - Ya Alloh Robbal Alamin

Ngawonggo , 01 Oktober2012 M.

                    15 Dzulqo’dah 1433 H.

Penulis

KH.M.RIDLWAN ALKANMA.S Ag

LUNGO HAJI

By Kelas 9 di Maret 20, 2013

صلّ وسلّم دائما على احمد ×2

والأل والاصحاب من قد وحّد ×2

Ayo poro konco – njalok – lungo haji

Marang gusti Allah -  pangeran – kang moho suci

Dungo marang Allah -  Di Barengi – Sholat wengi

Ojo lali fatihah – di woco – satus siji

Sholawat ibrahimiyah – di woco – saben dino

Sa’ba’dane sholat – limang waktu – podo ilingo

Sholawat kapeng sewu – malem jum’at – lakonono

Dungo thowaf talbiyah – saben dino – yo diwoco

Ati kudu grengseng – kepingin – lungo haji

Duwe tegal sawah – di dol – ndang diurusi

Kanggo daftar haji – lungo – ing tanah suci

Insaallah selamet – lan ora – bakal rugi

Ono Tanah Suci – Tujuane – Mung Ibadah

Ati Kudu Sabar – Orakeno – bantah bantah

Senajan dilarani – ora mbales – kudu betah

Akhire ibadah e – lan dungane – mustajabah

Haji ingkang mabrur -  Balesane – Mung suwargo

Besok ing akherat – ora bakal – mlebu neroko

Ora keno sombong – lan ora keno – duroko

Ono tanah suci – balesane – saknaliko

Panggonan mustajab – weruh – ono ing mekah

Ono ing multazam – hijir ismail – elor e ka’bah

Bukit shofa marwa – maqom ibrahim – muzdalifah

Mina lan arofah – Raudloh – Masjid Madinah

Gusti pangeran kulo – Kulo nyuwon – waget haji

Dateng tanah suci – saben tahun – dituruti

Anak bojo kulo – wong tuwo – lan poro santri

Oleh ridlone Allah – Pangeran – Kang moho suci

Amin  Amin Amin – Amin Amin Amin

Amin  Amin Amin – Amin Amin Amin

Amin  Amin Amin – Amin Amin Amin

Amin  Amin Amin – Ya Allah Robbal Alamin

            Ngawonggo. 03 Oktober 2012 M.

                                   16 Dzulqo’dah 1433 H.

Penulis

KH.M.Ridlwan Alkanma,S.Ag

“TONDONE WONG MUNAFIQ”

By Kelas 9 di Maret 20, 2013

اللهمّ صل وسلّم على # سيدنا ومولانامحمد

عددما بعلم الله صلاة # دائمة بدوام ملك الله

Tondo munnafiq – ono telu – weruhono

Dawuhe gusti – kanjeng nabi – kang dipercoyo

Sopo biso – ngedohi – bakal mulyo

Kang ngelakoni – akhire – bakal ciloko

Nomer siji – Lamon omong – Deweke  goroh

Nomer loro – dipercoyo – deweke cidero

Nomer telu _ lamun janji – yo suloyo

Perkoro telu- kelakuan olo – yo dohono

Mulo iku – lamun omong – di ati ati

Ojo goroh – wong kang goroh – dilaknati

Urip soro – gak dipercoyo – sampek mati

Besok akhire – bakal disikso – bakal rugi

Jujur iku – sifat wajibe – kanjeng nabi

Kudu ditiru – di goceki – lan dilakoni

Poro konco – podo seneng – Lan naati

Ono suwargo – bakal oleh – widodari

Amanah iku – perhiasan – kang paleng indah

Wong kang mulyo – Ahli ilmu – istiqomah

Bagus amale – Luhur drajat e – Ahli ibadah

Rizqi barokah – uripe mulyo  - Husnul khotimah

Mulo iku - lamun janji – ditetepi

Ojo cidero – ojo suloyo – akhire rugi

Rugi dunyo – rugi akherat – digowo mati

Ono kubur – disikso – digepuk cemeti

Amin Amin – Ya Allah – Robbal Alamin

Amin Amin – Ya Allah – Robbal Alamin

Amin Amin – Ya Allah – Robbal Alamin

Walhamdu – Lillahi – Robbil Alamin

Ngawonggo, 18 Oktober 2012 M

                         2 Dzulhijjah 1433 H

Penulis

KH.M.Ridlwan Alkanma,S.Ag

NYAMBUT GAWE KANG BAGUS LAN ORA RUGI

By Kelas 9 di Maret 20, 2013

اللهمّ صل وسلّم على # سيدنا ومولانامحمد

عددما بعلم الله صلاة # دائمة بدوام ملك الله

Poro konco - kang podo  - nyambut gawe

Iki dawuhe - ABUL LAITSI - ASSAMARQONDI

Ono kitab - kang jeneng - TANBIGHUL GHOFILIN

Supoyo siro - ora bakal - susah burine

Ono hasile - ono manfa’ate - ono barokahe

Ono selamete - ono mundake - ono rizqine

Ono ganjarane - ono dunyone - ono akhirate

Perkoro limo - kudu di rekso - lan di lakoni

Nomer sijine - ora oleh - ngakhirno fardu

Opo maneh - ninggal sholat - limang waktu

Nomer lorone - ora oleh - ngelarakno konco

Besok akhire - ono akhirat - bakal di sikso

Nomer telune - kanggo kebutuhan - awak dewene

Kebutuhan - anak bojo - lan keluargane

Ora oleh - niat nyejo - ngumpulno bondo

Opo maneh - niat nyejo - ngakeh-ngakehno

Nomer papate - ora oleh - nyusah no awake

Sangking grengsenge - atine - marang dunyane

Nomer limone - rizki iku - sangkeng pengerane

Ora oleh - rizki iku - sangkeng nyambut gawene

Sopo biso ­- ngelakoni - limo iki

Nyambut gawene - kang di lakoni - ora rugi

Oleh ridlone - pengeran - kang moho suci

Uripe mulyo - ora bakal - melarati

Ya Allah gusti - kulo nyuwon - rizqi barokah

Kangge ibadah - kesah haji - mekah madinah

Pados ilmu - amar ma’ruf - istighosah

Maus Al-Qur’an - Shilatur rohim - Sholat jama’ah

Amin Amin - Amin Amin - Amin Amin

Amin Amin - Amin Amin ­- Amin Amin

Amin Amin - Amin Amin - Amin Amin

Amin Amin - Ya Alloh - Robbal Alamin

Ngawonggo , 26 September 2012 M.

                     10 Dzulqo’dah 1433 H.

Penulis

KH.M.RIDLWAN ALKANMA.S Ag..

“SYARATE NGAJI”

By Kelas 9 di Maret 20, 2013

اللهمّ صل وسلّم على # سيدنا ومولانامحمد

عددما بعلم الله صلاة # دائمة بدوام ملك الله

Syarate ngaji -  dawuhe - sayyidina ali

Ono enem - poro santri - kudu ngelakoni

Kapeng siji - kudu cerdas - pikirane

Kapeng loro - kudu seneng - atine

Kapeng telu - kudu sabar - awake

Kapeng papat - kudu ono - sangune

Kapeng limo - melok petunjuk - gurune

Kapeng enem - kudu suwe - mongsone

Sopo biso - poro santri - ngelakoni

Bakal mulyo - lan manfaat - ilmune

Ono ndunyo - lan besok - ing akhirat e

Mlebu suwargo - oleh ridlone - gustine

Ya Allah gusti – kulo nyuwon - ilmu manfaat

Ilmu barokah - kangge nuntun - sedanten umat

Akhire mulyo - bagus akhlake - munggahe derajat

Oleh ridlone – pengeran - kang nduweni jagat

Amin Amin - Amin Amin - Amin Amin

Amin Amin - Amin Amin - Amin Amin

Amin Amin - Amin Amin - Amin Amin

Amin Amin Ya Alloh Robbal Alamin

Ngawonggo , 26 September 2012 M.

                       10 Dzulqo’dah 1433 H.

Penulis

KH.M.RIDLWAN ALKANMA.S Ag.